الكورس عبارة عن خطوات تدريجية بنبدأها مع بعض من الصفر، وقبل ما نوصل للمكياج الكامل، رح نفهم أولًا بشرتكِ واحتياجاتها.
رح نتعلم كيف نشتغل ببساطة وذكاء، من غير طبقات كثيرة بتخلي المكياج ثقيل أو بتسبب بتكتله.
ومش بس رح أعرضلك منتجات وأحكيلك شو تشتري. رح نجهز مع بعض شنطة المبتدئة الخاصة فيكِ، ونعرف شو المنتجات الأساسية اللي فعلًا بتحتاجيها وشو المنتجات اللي ممكن تستغني عنها.
رح نعرف نوع بشرتكِ، وكيف لازم تحضّريها قبل المكياج عشان يطلع الفاونديشن ناعم، مرتب وموحّد، ويضل ثابت معكِ لأطول وقت ممكن.
الكورس بتقدمه رنا تتوريال ، خبيرة مكياج من سنة 2014، ورح أشاركك فيه كل خبرتي والأشياء اللي تعلمتها خلال هالسنين، بطريقة بسيطة وقريبة منكِ.
انا رنا تتوريال، خبيرة مكياج من سنة 2014 وصانعة محتوى بعالم الجمال واللايف ستايل.
خلال كل هالسنين تعلمت إن المكياج الحلو مش بكثرة المنتجات، ومش بسعرها، ومش بعدد الطبقات اللي بنحطها.
الفرق الحقيقي بيبدأ لما تفهمي بشرتكِ، وتعرفي شو بناسبها، وتتعلمي تستخدمي كل منتج بالطريقة والكمية الصح.
بالنسبة إلي، المكياج عمره ما كان بس ألوان ومنتجات. كان مساحة إلي، وطريقة أعبّر فيها عن حالي وأحس بقوتي وثقتي.
وعشان هيك، بهذا الكورس بدي أشارككِ كل اللي تعلمته، وأسهّل عليكِ البداية اللي كان نفسي حدا يسهّلها عليّ من أول الطريق.
أسئلة ممكن تكون ببالك
لا، أبدًا. الكورس معمول للمبتدئات، ورح نبدأ من الأساس خطوة بخطوة، وبطريقة بسيطة وواضحة.
أكيد لا. من أكثر الأخطاء اللي بنعملها بالبداية إننا نشتري منتجات غالية ومش ضرورية. بالكورس رح نجهز مع بعض شنطة مبتدئة فيها المنتجات اللي فعلًا بتحتاجيها وبتناسبكِ.
بعد كل درس رح يكون عندكِ تمرين عملي تعمليه بالبيت. رح تصوري صور «قبل وبعد» بنفس الإضاءة وتبعتيلي، عشان نشوف مع بعض الفرق وأعطيكِ الملاحظات اللي بتساعدكِ تتحسني.
طبعًا. مرات المشكلة ما بتكون بالمنتج نفسه، لكن بالكمية أو بطريقة التحضير والدمج. رح تتعلمي قديش لازم تستخدمي من المرطب، البرايمر والفاونديشن، وكيف تدمجيهم عشان يطلع المكياج ناعم وطبيعي.
أول إشي رح نتعلم كيف تحددي نوع بشرتكِ واحتياجاتها. بعدها رح يصير أسهل عليكِ تختاري منتجات التحضير والفاونديشن اللي فعلًا بناسبوها، بدل ما تشتري أي منتج لأنه ترند.
"רוצה לקבל התראות ועדכונים?
